14 - Auður Ómarsdóttir, untitled, Olía á striga, 120x100cm, 2025.

Auður Ómarsdóttir (f. 1988 í Reykjavík) er myndlistarkona sem vinnur einna helst með málverk, en listsköpun hennar nær einnig til teikninga, ljósmyndunar og skúlptúra. Hún er með BA gráðu í myndlist frá Listaháskóla Íslands (2013) og MFA gráðu frá Listaháskólanum í Bergen (2021).

Í verkum sínum vinnur Auður gjarnan út frá persónulegum atburðum eða þáttum í nærumhverfi hennar sem hún dulbýr í myndrænu tungumáli. Hún nýtir bæði efnisleg og huglæg einkenni í list sinni þar sem líkamleiki, tilfinning og minni fá að flæða saman. Verk hennar hafa verið sýnd víða, meðal annars í Ljósmyndasafni Reykjavíkur, Listasafninu á Akureyri og Þulu gallerí.