11 - Ásta Guðrún, "Nafnlaus, kona", Svarthvítar klippimyndir, sem festar eru á mosagrænan kork, 90x120cm, 2024.

Ásta Guðrún (f. 1985) lauk námi úr skapandi ljósmyndun úr Ljósmyndaskólanum í janúar 2024. Nálgun hennar á ljósmyndun einkennist af tilraunakenndum aðferðum og leikgleði. Ásta leitar leiða til að teygja miðilinn með þvı́ að yfirfæra ljósmyndir sı́nar ı́ klippimyndir og þrı́vı́ð verk. Ásamt klippimyndaverkinu sýnir Ásta tvo skúlptúra, þar sem hún blæs lífi í ljósmyndir sínar með því að breyta þeim í líkamlegt form.

Verkin á sýningunni samanstanda af svarthvítum klippimyndum sem festar eru með títuprjónum á málaðan kork-bakgrunn. Ljósmyndirnar tók Ásta Guðrún af kvenmanns- og karlmanns styttum sem staðsettar eru á höfuðborgarsvæðinu. Flestar kvenkyns styttur úr borgarlandslaginu eru af nafnlausum konum og endurspegla það hvernig konur eru ekki heiðraðar fyrir sitt sérstaka framlag til samfélagsins né auðkenndar með nafni. Á meðan að styttur af karlmönnum eru töluvert fleiri og eru þær flestar af nafngreindum körlum sem settar eru fram á kraftmikinn og virðulegan hátt á meðan konur eru oftast sýndar naktar og í veikri líkamsstöðu.