62 - Ragnhildur Weisshappel, "Epli (fjölfeldi, hvert einstakt)", Gifs/blönduð tækni, 9x9x9cm, 2025.

Ragnhildur Weisshappel (f. 1989) nam myndlist á Íslandi og Frakklandi. Ragnhildur skoðar agnir og litlar hugmyndir sem smíða margbrotinn veruleika. Hún vefur saman og skoðar hvernig hreyfing og mynstur haga sér innan þess óendanlega smáa og samtímis þess óendanlega stóra. Leyfar á stalli, guðdómleikinn í hversdeginum, (hálf)mekanísk nákvæmni, tilraunakenndur ófullkomleiki, endurtekningar, mynstur, tilviljanir, áreynsluleysi, óþæginleg togstreyta, fáránleiki og smá drama einkenna list Ragnhildar. Hún skoðar ólík sjónarmið og dvelur sem lengst í ótæmandi möguleikunum og nýtur sín best í ferlinu. Verk hennar eru þvert á miðla en oft skúlptúrísk. Ragnhildur býr og starfar í Svarfaðardal.