08 - Ásgeir Skúlason, "Cross section composition no. 66", Skornar golfkúlur í eikarumgjörð, 28x28cm, 2024.

Ásgeir Skúlason (f.1984) lauk fornámi við Myndlistaskóla Reykjavíkur og útskrifaðist árið 2013 með BA í myndlist eftir nám við Listaháskóla Íslands, ásamt skiptinámi í Akademie der Bildende Kunste í Vínarborg. Ásgeir sat í dómnefnd Íslensku myndlistarverðlaunanna 2022 fyrir hönd SÍM. Myndlist Ásgeirs einkennist af tilraunkenndum aðferðum með oft fjöldaframleiddum efnivið, þar sem útkoman er umbreyting þess hversdagslega yfir í hið óvenjulega, oft á tíðum fáránlegt, fágað,
einfalt eða flókið.

Verkin á sýningunni eru unnin úr golfboltum, vatnaboltum svokölluðum sem hefur verið safnað úr fjörunni í kringum golfvöllinn á Seltjarnarnesi undanfarin ár af föður Ásgeirs. Þegar boltarnir eru sagaðir í tvennt kemur í ljós hreint út sagt ótrúleg fjölbreytni lita og litasamsetninga í kjörnum þeirra. Verkin eru síðan componeraðar litapælingar og samsetningar í mismunandi stærðum, unnin úr boltunum. Ekkert er átt við litina og eru þeir raunverulegu litirnir sem leynast inni í hversdagslegum hvítum golfboltum.