91 - Tinna Magnúsdóttir, "Untitled”, Akríl á pappír, 42x52cm, 2023.

Tinna Magg (f.1980) er myndlistarmaður, ljósmyndari og hönnuður með fjölbreyttan bakgrunn í arkitektúr og sýningarhönnun. Hún lauk BA gráðu í arkitektúr frá Listaháskóla Íslands árið 2006 og MA gráðu í sýningarhönnun frá Fashion Institute of Technology í New York árið 2011. Hún stundaði einnig nám við Ljósmyndaskólann þar sem hún dýpkaði skilning sinn á ljósmyndun sem listform.

Verk Tinnu Magg endurspegla tengingu milli rýmis, forms og skynjunar. Ljósmyndaverkin á sýningunni fléttast saman í hreyfingu, takti og geometríu, þar sem ung kona svífur um í dulúð og myndar rythmískan takt á myndfletinum. Í málverkum sínum vinnur hún með tvívíða formfræði og skoðar samspil forms og rýmis þar sem línur og hlutföll skapa sjónrænt jafnvægi á myndfletinum.