105 - Sunna Dögg Ásgeirsdóttir, "Eine kleine kleina”, Sjálfþornandi postulínsleir, 4,5x9cm, 2025.

Sunna Dögg Ásgeirsdóttir (f. 1982) vinnur á mörkum hönnunar, listar og handverks.. Hún lauk BA námi í vöruhönnun frá Listaháskóla Íslands árið 2005. Þar fór hún frjálst milli deilda og tók einingar í myndlistardeild og fatahönnun. Þá hefur Sunna einnig í farteskinu tugi eininga í olíumálun frá Myndlistarskólanum í Kópavogi.
Hún skoðar einstaklinginn og líðan hans. Mannlega tilvist og tengslamyndun í efnislegum heimi. Hvernig einstaklingurinn þarf oft á tíðum að synda einn á móti straumnum. Hvernig einstaklingurinn styrkir sig í gegnum ólíka tjáningu og bregður sér í ólík gervi. Hvernig það hefur áhrif á sjálfsmynd hans. Hvernig hann sér sig í spegli. Hvernig ímyndaðir vinir veita tilvist hans viðurkenningu. Hvort horn eða greinar á höfði svans, jafnvel héra eyru styrki sjálfstraust hans eða ekki? Hvort það að hitta annan sér líkan leiði af sér aukið umburðarlyndi og samkennd, jafnvel styrki eigin ímynd? Heyrum við hljóm þess einstaka eða einungis hinn einstaka samhljóm sem fjöldinn skapar? Er ilmur í tvívídd?