88 - Steinar Fjeldsted, "Hálfur Álfur", 51x72cm, 2025.

Steinar byrjaði snemma að fást við tónlist og myndlist og hefur frá unga aldri unnið stöðugt að því að skapa og tjá sig í gegnum listina. Hann ólst upp bæði á Íslandi og í Bandaríkjunum og hefur búið víða — meðal annars í Los Angeles, Riverside, Phoenix, Chicago, New York og
Glasgow. Þessi fjölbreytta reynsla hefur haft djúp áhrif á hans listsköpun.
Listin hefur ávallt verið leiðarljós í lífi hans — hvort sem hún birtist í hljóðum, myndum eða
tilraunum með form og rými. Steinar er einn af stofnmeðlimum hljómsveitarinnar Quarashi, sem náði miklum vinsældum bæði hér heima og erlendis, og hefur á ferli sínum unnið með
listamönnum á borð við Eminem, Cypress Hill, The Roots, Pharrell Williams svo sumt sé nefnt. Á undanförnum árum hefur hann snúið sér æ meira að myndlistinni og þróað með sér einstaka sjónræna heild. Verkin hans endurspegla ferðalag, lífssýn og tengsl á milli tónlistar og myndlistar.