61 - Martina Priehodová, "Rose Bush 4", 15x15x26cm, 2025.

Martina Priehodová er slóvakísk listakona búsett í Reykjavík. Verk hennar samanstanda einna helst af skúlptúrum úr leir og matvælum sem skapa innlifandi og áhrifaríkar upplifanir. Hún leggur áherslu á hugmyndina um að verða — eins og að vaxa og umbreytast — með vistfræði, sjálfbærni og næmni í huga. Efnið, bæði líkamlegt og heimspekilegt, er vandlega melt og grannskoðað, ásamt því að fá væna klípu af húmor.

Priehodová lauk BA-prófi í myndlist frá Minerva Art Academy í Groningen í Hollandi og hélt síðan áfram í meistaranám í myndlist við Listaháskóla Íslands, þar sem hún rekur nú keramik- og mótasmíðaverkstæði skólans.