55 - Markús Bjarnason, "Tungl”, 70x45cm, 2025.

Markús Bjarnason (f.1994) Hönnuður og listamaður sem sameinar hljóð og mynd, hönnun og list, fagurfræði og notagildi í verkum sínum. Hann er menntaður í grafískri hönnun og sjónrænum samskiptum frá Listaháskóla Íslands. Hann hefur á undanförnum árum skapað einstök hljóðdempandi málverk sem draga úr óæskilegum tíðnum og bæta hljóðvist þeirra rýma sem þau prýða. Í verkum sínum skoðar Markús suð í lífi fólks og hvernig það skapar sér leiðir og rútínur til að vinna gegn neikvæðu suði. Verkin handsmíðar Markús sjálfur frá grunni en þau eru akrýl á hör, innihalda hljóðdempandi þéttull og römmuð inn í gegnheila eik.