47 - Kata Unnar Jóhanness, Untitled, 15x18cm, 2025.

Kata Jóhanness (f. 1994) er myndlistarmaður úr Reykjavík. Hún vinnur helst með skúlptúr, ljósmyndir og textíl. Í verkum sínum skoðar hún tengslamyndun okkar við umhverfið og fyrirbærin sem búa í því með okkur, söfnunar- og skrásetningaráráttu manneskjunnar og hvernig allt hangir saman í fortíð, nútíð og framtíð.

Kata Jóhanness hefur lokið námi við Ljósmyndaskólann (2021) og hlotið BA-gráðu í myndlist frá Listaháskóla Íslands (2024). Verk hennar hafa verið sýnd á ýmsum samsýningum, meðal annars í Hafnarborg, í Verksmiðjunni á Hjalteyri og Nýlistasafninu. Hún hefur einnig haldið nokkrar einka- og dúó sýningar, þá nýlegustu í Á milli sýningarrými.