24 - Einar Viðar Guðmundsson, "Composition MCCCXXI", Prent, 54x39cm, 2025.

Edition of 15.
Screen printed in four colours.

Einar Viðar Guðmundsson Thoroddsen (f. 1995) er listamaður, hönnuður og teiknari búsettur á Íslandi. Eftir að hafa útskrifast sem grafískur hönnuður frá KABK í Hollandi stundar hann nú meistaranám í myndlist við Listaháskóla Íslands. Undanfarin ár hefur hann aðallega unnið með bókahönnun og prent, þá sérstaklega silkiþrykk og RISO, en áherslan er nú að færast meira yfir í myndlistina. Hönnunin er þó enn hluti af ferlinu og þróast áfram með nýjum áherslum. Verkin hans snúast að mestu um veðrun, tíma og lagskiptar sögur, bæði í efninu og í hegðun fólks. Hann veltir fyrir sér höfundar hlutverkinu í umhverfi og listum, sækir innblástur í umhverfið sjálft og smáatriði sem við tökum sjaldnast eftir. Einar nálgast verkefnin með því að kafa beint í sköpunarferlið og leyfa hlutunum að þróast - þar sem mistök og tilviljanir geta vegið jafn þungt og sjálf lokaniðurstaðan. Vinnuferlið einkennist af forvitni og leit að hinu óvænta, sérstaklega þegar hlutirnir fara ekki eftir plani, því þá byrjar eitthvað áhugavert að ske.