04 - Anna Ólöf Jansdóttir, "Þú og þúfant", Olía á striga, 65x70cm, 2025.

Ástin getur líka vaxið úr grasi. Konan og maðurinn á myndinni virðast af öðrum heimi þar sem fjöll eru græn og yfirnáttúrulegt lambfé verndar ástina. Djúp-græn náttúran tengir elskendur sem eru órjúfanlegur hluti af jörðinni. Við föngum augnablikið með þeim, án kröfunnar um að vita örlög þeirra, mun ást þeirra sökkva þeim eða eru þau um það bil að rísa á fætur til að ganga hönd í hönd um hinar grænu lendur.

Anna Ólöf Jansdóttir (f. 1999, Þýskalandi) lauk BA gráðu í myndlist frá Listaháskóla Íslands núna í vor 2025. Hún vinnur með olíumálverk sem sýna heim huldna vera og líf ungra elskhuga í íslenskri sveit, tveir heimar mætast í málverkunum: fornarfrásagnir og hefðir við hugarheim samtíma konu sem býr á tækniöld. Verkin eru litrík og segja sögu, sólarlaga og sólarupprása fjalla í fjarska dýra og manna.